२०८३ जेठ २३, शनिवार
विहिवार देखि संचालन हुन गइरहेको एस.ई.ई. परीक्षा को लागी जिल्ला प्रसाशन कार्यालय पर्साको अपिल
मिति २०८० चैत्र १५ गते विहिवार देखि संचालन हुन गइरहेको एस.ई.ई. परीक्षा को लागी जिल्ला प्रसाशन कार्यालय पर्साले स्वच्छ र मर्यादित बनाउन सबै पक्षबाट पूर्ण सहयोग गरिदिनु हुन हार्दिक अपिल गरेको छ ।
पर्सा जिल्लामा १००६८ विधार्थीहरुका लागि २६ वटा परीक्षा केन्द्रबाट एस.ई.ई. परीक्षा दिने व्यवस्था मिलाईएको छ । परिक्षार्थी र परीक्षाकेन्द्र लगायत परीक्षासँग सम्बन्धित सबै पक्षमा सुरक्षा प्रबन्ध सहित सबै तयारी पुरा भैसकेको जिल्ला प्रसाशन कार्यालयले जनाएको छ ।
परिक्षार्थीलाई परीक्षा केन्द्रमा जान आउन र परीक्षाका लागि स्वच्छ वातावरण वा ध्वनी प्रदुषणमुक्त वातावरण बनाई दिनु हुन सबै प्रति हार्दिक अनुरोध समेत गरेको छ ।
परीक्षाको समयमा अनुगमनको जिम्मेवारी पाएका व्यक्तिहरुबाट मर्यादित ढंगले परीक्षार्थीलाई कुनै अवरोध नहुने तवरले अनुगमन गर्न र परिक्षाकेन्द्रमा पुग्ने सञ्चारकर्मीले केन्द्राध्यक्षसँग समन्वय गरी केन्द्राध्यक्षले मिलाएको पालो र समयमा मात्र परीक्षाको सूचना संकलन गर्ने व्यवस्था मिलाउनु हुन पनि अपिल गरेको छ ।
परीक्षालाई अमर्यादित बनाउने कुनै पनि क्रियाकलाप कानून बमोजिम दण्डनीय छ । यस प्रति सचेत भई एस.ई.ई. परीक्षार्थीलाई मर्यादित र स्वच्छ वातावरण तयार गरिदिनुहुन सबै सरोकारवाला प्रति अनुरोध गर्दै एस.ई.ई. परीक्षार्थी सबैमा सफलताको शुभकामना ब्यक्त समेत अपिल पत्रमा उल्लेख गरिएको छ ।
