२०८३ जेठ २३, शनिवार
कक्षा १२ को परीक्षा दिएर फर्किइरहेकी छात्रामाथि गोली प्रहार
झापा —झापाको दमकमा गोली प्रहारबाट एक छात्रा घाइते भएकी छिन्।१८ वर्षीया एनिका अधिकारी उदयपुर घर भई हाल दमकमा डेरा मा बसेर अधिकारी हिमालय माध्यमिक विद्यालयमा कक्षा १२ मा अध्ययनरत छिन् ।
शुक्रबार दिउँसो साढे १२ बजेतिर उनी कक्षा १२ को परीक्षा दिएर डेरा फर्किंदै थिइन् । सिरहा घर भएका ३० वर्षीय अमितकुमार साहले एनिका अधिकारी माथि गोली प्रहार गरेको इलाका प्रहरी कार्यालय दमकले जनाएको छ ।
गोली लागेर उनको दाहिने हातमा चोट लागेको प्रहरीको बताएका छन्। दमकस्थित लाइफ लाइन अस्पतालमा उनको उपचार भइरहेको छ। गोली हानेर फरार अभियुक्तको खोजी भइरहेको इलाका प्रहरी कार्यालय दमकले जनाएका छन् ।
